सुभाषचन्द्र देवकाेटामृत्युको कुनै जात र रङ्ग हुँदैन !
जसरी तिमी मर्ने छौ एक दिन त्यसैगरी म नि मर्ने छु एक दिन तिमी मरेको दिन जस्तै म मरेको दिनमा पनि यसैगरी आकाशमा ताराहरू चम्किने छन् ।
सुभाषचन्द्र देवकोटा :
जसरी तिमी मर्ने छौ एक दिन
त्यसै गरी म नि मर्ने छु एक दिन
तिमी मरेको दिन जस्तै
म मरेको दिनमा पनि
यसैगरी पूर्वबाट घाम उदाउने छ
यसैगरी उत्तर र दक्षिण हावा चल्ने छ
र आकाशमा चराहरु उड्नेछन् !
तिम्रो र मेरो लागि
मृत्यु एउटा विशिष्ठ घटना भए पनि
सृस्टीको यो शास्वत धाममा
मृत्युको निरन्तरता
एउटा अविछिन्न, अविश्रान्त
प्रकृति मात्र हो !
तिम्रो र मेरो
भूगोल फरक भए पनि
रङ्ग र हैसियत फरक भए पनि
तिमी र म
मर्ने मृत्युको रङ्गमा
केहि फरक हुने छैन !
मृत्युको समयान्तरमा
फरक भए पनि
मृत्यु प्रक्रिया र लयमा
कत्ति फरक हुने छैन !
जसरी तिमी मर्ने छौ एक दिन
त्यसैगरी म नि मर्ने छु एक दिन
तिमी मरेको दिन जस्तै
म मरेको दिनमा पनि
यसैगरी आकाशमा ताराहरू चम्किने छन्
यसैगरी नदीहरूमा पानी बग्नेछन् र
बारिका डिलमा फूललहरू फुल्ने छन् !
तिमी हुनु र म महुनुको फरक
हाम्रै दृष्टिदोष
मात्र हो !
तर
मृत्युको नजरमा
तिम्रो र मेरो
नियति,
उस्तै प्रकृति हो !
मृत्युको कुनै
जात र रङ्ग हुँदैन !
०००
गोरखा हाल काठमाडौं
Subscribe
Login
0 Comments
Oldest
