नेपाली हास्यव्यङ्ग्य अनलाइन पत्रिका

अन्जु शर्मा :

२१ औं शताब्दीको मान्छे
आफूलाई सभ्य ठान्छ
अरूलाई पाखे भन्छ।
लाउन खान जान्या छैन
पार्टीतिर धाउछ
मुस्किलले गिलास उठाएर
मातेको अनुभव गर्छ।

२१ औं शताब्दीको मान्छे
आफूलाई भब्य ठान्छ
भाषा,संस्कृति बिर्सिएर
आमाबाबु सट्टा
मम, ड्याड भन्छ।
खुट्टा ढोग्न हुन्न अरे
परबाटै हाइ भन्छ।

२१ औं शताब्दीको मान्छे
पूजाआजा गर्नहुन्न गलत
काम हो भन्छ।
जन्मोत्सवको सट्टा
ह्यापी बर्थडे भन्दै
डिस्कोतिर धाउँछ।

२१औं शताब्दीको मान्छे
ह्विस्की,बियर,चुरोट पिउँदै
नाङ्गो नाचमा रम्छ।
छिटो उठ्न बाबै भन्दा
सुत्न पनि दिन छोड्यो
ओठे जवाफ लाउछ।

२१ औं शताब्दीको मान्छे
गुन्द्रुक ढिडो खान्न भन्दै
रेष्टुरेन्ट धाउँछ।
मम, पिज्जा,बर्गरसगै
जवानीलाई साट्छ।

२१ औं शताब्दीको मान्छे
अनुशासन भङ्ग गर्दै
दिन बिताउँछ।
बुढेसकालमा अस्पतालको
शथ्यामाथि आफूलाई
लम्पसार पाउँछ।

०००
रात‍ोपुल, काठमाडाैं