नेपाली हास्यव्यङ्ग्य अनलाइन पत्रिका

लक्ष्मण नेवटिया :

नदी र मानिस- १

नदीलाई मैले भने
छ्या! तिमी कति फोहोरी
कसरी गरूँ सफा ?
तिम्रो फोहर सोहोरी ।

नदीले भनिन्
म त सफा नै जन्मेकी ।
समाचार बनाउछौ
फोटो खिचाउछौ
गरेर हालीमुहाली ।
बजाउन ताली ।
सोचेर बोल-
किन दिएको गाली ?

फोहोर गर्ने अपराधी छौ तिमी
गफ लाउछौ खाली
छ्या ! कस्तो यो तिमी
मानिसको जात नै जाली !!!

सामूहिक वन र मानिस- २

सामूहिक वनलाई मैले भने
कति मिहिनेत गरेर
रातदिन जाग्राम बसेर
तिमीलाई स्याहारेको
तिमीलाई उमारेको ।

वनले भन्यो
पहिले ग-याै  पाप
पारेर सखाप
अब फेरि काट्न नै उमार्दैछौ
यस्मा कुन छ तिम्रो प्रताप ??
तिम्रो छुद्रबुद्धि हेरेर
दुःखले चिच्याउन मन गर्छ
यो मानिसको जात “बाप रे बाप” ??

०००
विराटनगर