नेपाली हास्यव्यङ्ग्य अनलाइन पत्रिका

लक्ष्मण नेवटिया :

शहर घुम्न
आएको पर्यटकलाई
गाइडले देखायो
यो ऐतिहासिक मैदान यता छ ।
त्यो आलिशान मकान उता छ ।

पर्यटकले पेट थिच्दै भन्यो
भ्याइहाल्छु हेर्नु पर्ने जे जता छ !!!

पहिले यो भन्नुस्
शौचालय कता छ ?

भयो बवाल
जब उसले देखाइदियो
खुल्ला पर्खाल ।

बाढीको निवेदन- २

बाढी नियन्त्रणको
बैठक पटक पटक
सारिँदै जाँदा
अन्तमा बाढीले नै
लजाएर निवेदन पठायो

हजुर !
जानकारी पाउँ
म कहिले आउँ ।

०००
विराटनगर