नेपाली हास्यव्यङ्ग्य अनलाइन पत्रिका

रामप्रसाद अर्याल अविराम :

झुटाे बाेलाैं झुटै पाेलाैं झुटकै दरकार छ
झुटाे बाेले मिठो मिल्छ झुटकै सरकार छ ।
भुसुना च्याप् छाेपेर भनाैँ बाघ खाेपाे थुने
भट्टीकाे जल धाेँकेर मुख अमृतले धुने ।।
१

भाेटाे कछाड टालेर घाक दिऊँ जकेटकाे
उडाइ फिर्फिरेलाई शान दिऊँ रकेटकाे ।
भिक्षापात्र लिइ रित्ताे मागाैँ देश विदेशमा
छात्रलाई दिऊँ शिक्षा भरिपूर्ण छ देशमा ।।
२

चुनावी खेलमा ढाँटे साटे कपट लम्पट
निल्न बन्दैछ अप्ठ्यारो संघ भल्लुक कम्पट ।
निस्के विरोधमा र्याली मित्रभाव क्या शान छ
चिप्लो घसीघसी बाेलाैँ हजुर्काे जयगान छ ।।
३

एकाध शीतका थाेपा झर झारेर तप्तप
भन्दिऊँ कविगाेष्ठीमा मै हुँ साहित्य साधक
लगानी हुन्छ आफैकाे पुरस्कार उ पाउँछ
सम्मानित भएँ भन्दै ढाेल पिट्न लगाउँछ ।।
४

प्वाल पारेर डुङ्गामा भन्छ नदी म तार्दछु
निर्जन हुनगाे गाउँ सानो स्वर्ग उतार्दछु ।
आँसु पुच्छु सधै भन्छ छुरा राेप्छ थरीथरी
विकासे ढाँटकाे स्वप्न पूरा हाेला कसाेगरी ।।
५

रडाकाे छ ठूलो डाकाे असत्यकाे बजारमा
ढाँटिदै ठगिदै आयाैँ सत्य बाेल्ने हजारमा ।
साधुकाे भेषमा गाए शिवं सत्यं र सुन्दरम्
धर्मको मर्म बिर्सेर देश खाए त के गरम् ? ।।
६

ढाँटकाे खेती चम्कन्छ लम्कन्छ धक धक्धक
आँखामा पेटी बाँधेका जनता रहँदा तक ।
असत्य सत्य हुँदैन बारम्बार रटे पनि
खुवाइ स्वार्थको चास्नी केही संख्या घटे पनि ।।
७
अरुलाई सधैँ ढाट्छ आफैलाई कसाे गरी
ढाँटु म कसरी भन्छ साेचिरन्छ सधैंभरी ।
खुलेमा स्वार्थकाे पर्दा नाङ्गिने छ त नाङ्गिन
तबसम्म ढाँटकाे खेती झाँङ्गिने छ त झाँङ्गिन ।।
८

०००
पाल्पा
२०८१ ।३ ।२६