विनाेद खनालगाईजात्रे सरकार !
विकास गर्यौंट भन्दै यहाँ, आँखा छारो हाल्छन्, नेताहरू देश रित्याई, कार्यकर्ता पाल्छन् । कार्यकर्ता खाउन् पिउन्,मोजमस्ती गरून्, के वास्ता पो छ र यिन्लाई, जनता मरे मरुन् ॥
विनोद खनाल :
नेपालमा गाईजात्रे सरकार,
जनताहरू बुझ्दैछन् भर्खर ।
सम्मानित हुन्छन् भ्रष्ट, इमानदारलाई शूली,
भ्रष्टाचार जति गर्यो, त्यति बढ्छ फुली ।
महँगीले नाघिसक्यो सगरमाथा चुली ॥
नेपालमा
नेताहरूको कट्टू धुने, सबले जागिर पाउँछन्,
जस्तै भ्रष्ट भए पनि, उनकै भजन गाउँछन् ।
बेइमान जति भित्र पस्छन्, असल बाहिर पर्छन्,
भ्रष्टाचारी उँभो चढ्छन्, सोझा तल झर्छन्॥
नेपालमा
विकास गर्यौंट भन्दै यहाँ, आँखा छारो हाल्छन्,
नेताहरू देश रित्याई, कार्यकर्ता पाल्छन् ।
कार्यकर्ता खाउन् पिउन्,मोजमस्ती गरून्,
के वास्ता पो छ र यिन्लाई, जनता मरे मरुन् ॥
नेपालमा
०००
धुलाबारी, झापा ।
Subscribe
Login
0 Comments
Oldest
