नेपाली हास्यव्यङ्ग्य अनलाइन पत्रिका

दुर्गा ढकाल :

आमा पुरै घेरिएकी छिन्
छोटो सारीमा बेरिएकी छिन्
राक्षसहरूको हानाहान छ
मेरी भन्दै तानातान छ

छोराहरू मस्त निन्द्रामा छन्
आमा बिचरा फन्दामा छिन्
गहना सबै लुटिसके
थला पर्ने गरि कुटिसके

ऐया ऐया आमा भन्छिन्
छोरो ब्यूंझने दिन गन्छिन्
स्वांस्वा गर्दै सास फेर्छिन
छोरो तिर पुलुक्क हेर्छिन्

छोरो ब्यूँझने छाँट छैन
राक्षससँग लड्ने आँट छैन
कठै ! आमाको बेहाल भो
राक्षसलाई मालामाल भो

कुपुत्र बन्यो कुम्भकर्ण
आमाको शरीर भयो जीर्ण
हाय हाय आमा पियारी
कस्ले गर्ला तिम्रो सुसारी

बन्द भयो बोली मेरो
देखेर राक्षसहरुको घेरो
बिन्ती गर्छु आमा सास फेर
निकाल्ने छु राक्षसको घेरो तोडेर !!

०००
झापा
२४/८/२०२४