नेपाली हास्यव्यङ्ग्य अनलाइन पत्रिका

भोलानाथ सुबेदी :

पारीबाट साले आयो
रंग बदल्ने छेपारे आयो ।
गोरुको सिङमा पिङ खेलेर
हल्लिदै त्यो जोतारे आयो । १

रगत ठानेर रक्सी पिउने
लाम्खुट्टेले जात फालेर आयो ।
सद्धे हातमा प्लास्टर गर्ने
डाक्टरले पदक लिएर आयो । २

केके न गर्छु भनेर सत्ता पल्टाए पछि
जुट नमिल्ने त्यो पत्ता फ्यालेर आयो ।
ठूलो ठूलो स्वरले कराउँथ्यो ऊ
अदालत पुगेपछि मलिन भएर आयो । ३

कहिले राम कहिले हराम भएपछि
उसले विश्वास तोडेर आयो ।
बाटोमा सँगै हिँडेको साथीलाई
बिना कारण उसले छोडेर आयो । ४

०००
काठमाडौं
(९८४३०५४१६१)