हरिप्रसाद पाैड्यालनेतृत्व भयो काँतर
सरकार सुतेको छ तेल हालेर कानमा आलोपालो मिलाएर ध्यान मात्र छ खानमा ॥ गरिन्छ गफको खेती गाउँ रित्तो भयो तर देश रित्तो हुने छाँट भएको छ ठुलो डर ॥
हरिप्रसाद पाैड्याल :
श्रमीलाई भयो गाह्रो छाक टार्न छ मुस्किल
मोजमस्ती गरी खान्छन् भ्रष्टहरू सधैँ खिर ॥
दुराचारीहरू ठग्छन् ठगिन्छन् निमुखाहरू
ठगिनेहरू हो ! आओ सङ्गठन गरौँ बरु ॥
सरकार सुतेको छ तेल हालेर कानमा
आलोपालो मिलाएर ध्यान मात्र छ खानमा ॥
गरिन्छ गफको खेती गाउँ रित्तो भयो तर
देश रित्तो हुने छाँट भएको छ ठुलो डर ॥
सन्तान वीरका हामी नेतृत्व भयो काँतर
सिक्किम नबनोस् देश छैन तर कुनै भर ॥
०००
धुलाबारी, झापा
Subscribe
Login
0 Comments
Oldest
