नेपाली हास्यव्यङ्ग्य अनलाइन पत्रिका

हरिप्रसाद पौड्याल :

१.
माफियाले देशलाई कब्जा गरेका छन्
उनीहरूकै ईशारामा मन्त्री चलेका छन्
असन्तुष्टि कैयौँ पटक जाहेर गरे पनि
हाँडीघोप्टे, घ्याम्पेभुँडी टम्म भरेका छन् ॥

२.
सिरुपाते खुकुरीको धार होला राम्रो
सिरानीमा राखी सुत्छु प्यार होला राम्रो
नेपाली हुँ तातो रगत बग्छ शरीरभित्र
गिद्धेदृष्टि नलगाऊ प्रहार होला राम्रो ॥

३.
विदेशीको इसारामा चल्ने गर्छ सरकार
दूतावासको हप्काइले गल्ने गर्छ सरकार
मूलजरो मक्किएको रोगी रुख जस्तो
ठुलो सास फेर्दा पनि ढल्ने गर्छ सरकार ॥

०००
धुलाबारी, झापा