प्रमाेद भट्टराई प्रतीकफलामको पुच्छर
नपत्याए हेर्दा हुन्छ पुच्छरले चारै वटा खुट्टा हल्लाउँदै छ टाउको र ढाड पनि हल्लाउँदै छ हुँदा हुँदा अब त घरको मूल खाँबो र धुरी समेत हल्लाउँदै छ ।
प्रमोद भट्टराई ‘प्रतीक’ :
कुन नौलो कुरो हो र ?
कुकुरले पुच्छर हल्लाउँछ त !
त्यो त सबैले देखेकै छ नि
कहिल्यै नदेखेको
कहिल्यै नसुनेको
नौलो दृश्य भनेको त
पुच्छरले कुकुर हल्लाएको पो त !
नपत्याए हेर्दा हुन्छ
पुच्छरले चारै वटा खुट्टा हल्लाउँदै छ
टाउको र ढाड पनि हल्लाउँदै छ
हुँदा हुँदा अब त
घरको मूल खाँबो र
धुरी समेत हल्लाउँदै छ ।
तर त्यही शरीरको
एउटा सानो अङ्ग भए पनि
त्यो पुच्छर आफू चाहिँ
फलामले बनेको जस्तो
टस मस पनि गर्दैन
जति बल गरे पनि
अहँ हल्लिँदै हल्लिँदैन ।
०००
विराटनगर
Subscribe
Login
0 Comments
Oldest
