हरि कोर्कालीखरानीमा आहुति
सोच्ने पनि कोही भइ दिएको भए हुन्थ्यो त्यस्ताको चाहिँ आज मुलुकमा खारिएकै खडेरी खड्किएको छ कतै त्यो उपहारलाई पनि त्यही भवन जस्तै ठानिएको त छैन ?
हरि काेर्काली :
राजधानीको मुटुमा अवस्थित
अर्कैले बनाइ दिएको भव्य भवनमा बसेर
हाम्रा प्रतिनिधिहरू
हाम्रै लागि एउटा सुन्दर उपहार
आफै तयार गछौँ भन्दै
निकै महँगो यज्ञ गर्न लागेका छन्
तर, खोइ किन हो ?
आफैँ गर्ने बानी नभएर हो कि
मन्त्रै नमिलेर हो
प्रयास जति सबै
खरानीमा आहुति झै भएका छन् ।
एउटा निर्धन मुलुकको लुरे क्षमताले
यस्तो यज्ञमा चरु चाहिँ कतिन्जेल पुऱ्याउला भनी
सोच्ने पनि कोही भइ दिएको भए हुन्थ्यो
त्यस्ताको चाहिँ आज
मुलुकमा खारिएकै खडेरी खड्किएको छ
कतै त्यो उपहारलाई पनि
त्यही भवन जस्तै ठानिएको त छैन ?
०००
नेपाल बन्द (२०७०)
Subscribe
Login
0 Comments
Oldest
