हरि कोर्कालीसुशासन र जुत्ता
दुबै मक्ख छन् एकले अर्कोको अनुहार हेरेर मुस्कुराउँदै यहाँको सुशासनको स्वादमा रमाइरहेका छन् मेरो भ्रमणको मज्जा त मेरा जुत्ताले पो लिइरहेका छन्।
हरि कोर्काली :
बसंदिखि आफ्नो देशमा परिरहेको
सुशासनको खडेरी खेप्ता खेप्ता I
हैरान भएका मेरा जुत्ता
यहाँ आएपछि त आफूले पनि थाहा पाउने गरी मौलाएको
सुशासनको मज्जा लिइरहेछन् ।
दिनभरि हिंड्दा पनि
न धुलो लाग्छ
न हिलो लाग्छ
न कतै ठेस्स्नुिपर्छ
न कतै कोरिनुपर्छ
सुखैसुखको सास फेरिरहेछन् ।
बिहान घरबाट निस्कँदा जस्तै
टकटकाउँदो चिल्लो, चम्किलो अनुहार लिएर
साँझ घर फर्कन पाउँदा
दुबै मक्ख छन्
एकले अर्कोको अनुहार हेरेर
मुस्कुराउँदै
यहाँको सुशासनको स्वादमा रमाइरहेका छन्
मेरो भ्रमणको मज्जा त
मेरा जुत्ताले पो लिइरहेका छन्।
०००
लोकन्थली, भक्तपुर
Subscribe
Login
0 Comments
Oldest
