नेपाली हास्यव्यङ्ग्य अनलाइन पत्रिका

हरि कोर्काली :

मननपर्ने कुराहरू धेरै छन्‌
तर, सपना मनपराउँछु
केही दिन देखिएन भने पनि
त्यसकै नियास्रोमा हराउँछु
म सपना मनपराउँछु ।

उडेका सपना धेरै देखिए
अगि बाल्यावस्थामा
डुलेका सपना पनि त्यत्तिकै देखिए
अलिक पछि
आज बुढेसकालमा आएर
तिनै सपनाहरू सम्झँदै
समय कटाउन पाएको छु
तिनै सपनाहरू सम्झँदै मनमनै रमाउन पाएको छु
अझैपनि म सपना मन पराउँछु ।

ठूलो–सानोमा ध्यान नराख्ने
धनी–गरीबमा छ््यान नराख्ने
सबै प्रति समानताको ज्ञान राख्ने
हृष्टपुष्ट, सुकिलामुकिला
चिल्लाचाप्ला र
सुगन्धहरू छर्किएर सुत्नेहरू मात्र नरोजी
डुङ्डुङती गन्हाउनेहरूको निद्रामा पनि सहजै पुग्ने
र उनीहरूको निद्राभरि रमाएर बस्ने
सपनाको त गुण नै मनपर्दाे छ
म सपना मन पराउँछु ।

सपना र सरकारको राशि त मिल्छ
तर, बानी मिल्दैन
बानी पनि मिल्थ्यो त
सरकार कति राम्रो हुन्थ्यो !
सबैका लागि कति हाम्रो हुन्थ्यो !

दीन दुःखीहरू प्रति
दुर्दुर भाव प्रदर्शन गर्ने र
सानो कामका लागि पनि
नकिनी नभेटिने सरकार भन्दा त
सबै प्रति प्रीति दर्साउँदै खोज्दै आउने सपना नै
मलाई प्यारो लाग्छ
म सपना मन पराउँछु ।

०००
लोकन्थली
सम्पर्क न :– ९८४१८२०७९८