हरि कोर्कालीअक्कली
अक्कली रहिछ्यौ तिम्रो यो अक्कलले अर्थतन्त्रको सकल बढाउन केही त योगदान पुगेकै छ ठिक गरिछ्यौ अलिकतिले मात्र छोपेर ।
हरि काेर्काली :
ठिक गरिछ्यौ
अलिकतिले मात्र छोपेर
ध्याप्पै छोपिदिएको भए त
देख्ने सम्भावनाहरू सखापै हुने थिए
अब देखिएला कि तब देखिएला कि भन्दै
क्वरक्वारती हेर्न आउनेहरू
कोही हुने थिएनन् ।
त्यति भएपछि त
देखिन्छ कि देखिन्छ कि भन्दै
देख्ने भाग्यमानी बन्न
आँखा फुलाई फुलाई
निर्निमेष हेर्दै
खल्ती खन्याइ रहनेहरू
ह्वारह्वार्ती आइ रहने छन्
र साहुजीको व्यापार
छनछनाइ रहने छ ।
अक्कली रहिछ्यौ
तिम्रो यो अक्कलले
अर्थतन्त्रको सकल बढाउन
केही त योगदान पुगेकै छ
ठिक गरिछ्यौ
अलिकतिले मात्र छोपेर ।
०००
नेपाल बन्द (२०७०)
Subscribe
Login
0 Comments
Oldest
