हरि कोर्कालीआफन्त र मित्रहरू
र, मेरा बुझकी आफन्त र मित्रहरू पनि बलेको आगो खोज्दै यताउति लागेका छन् र, अचानक भेट हुँदा पनि नजर अन्तै पन्छाइ हाल्छन् ।
हरि काेर्काली :
मेरा खल्तीहरू छनछनाउन्जेल
र, काँधमा राष्ट्रको सिन्दुर छउन्जेल
थुप्रै आफन्त र मित्रहरू थिए
सबै सधैं पधारिन्थे
खान्ये खेल्थे
सानन्द रमाउँथे
अनि,
कामनाका पेटाराहरू खोल्दै
यस्तो गरिदेऊ भन्थे
उस्तो गरिदेऊ भन्थे
मेरै वरिपरि भुनभुनाइ रहन्थे ।
कतिलाई भनेर गराइ दिनु पर्थ्यो
कतिलाई भनेर नगराइ दिनु पर्थ्यो ।
अब मेरा खल्तीहरू स्याप्प छन्
छनछनाउन्नन् शान्त छन्
काँधमा राष्ट्रको सिन्दुर पनि छैन
र, मेरा बुझकी आफन्त र मित्रहरू पनि
बलेको आगो खोज्दै
यताउति लागेका छन्
र, अचानक भेट हुँदा पनि
नजर अन्तै पन्छाइ हाल्छन् ।
०००
नेपाल बन्द (२०६८)
Subscribe
Login
0 Comments
Oldest
