नेपाली हास्यव्यङ्ग्य अनलाइन पत्रिका

जीवनाथ अधिकारी :

हवस् हजुर, हुन्छ हजुर, हुन्छ हुन्छ हवस्‌
कर जोरी प्रणाम गर्छु, हजुर स्वीकार होस् ।
तन यहाँ भए पनि मन हजुरभरि
भग्यमानी बन्थेँ हजुर पाउको दर्शन गरी ॥

हुन्छ हजुर, हुन्छ हुन्छ, हजुरको काम
हजुरको कामबाट बन्छ नाम दाम ।
हुन्छ हजुर, दामासाही हजुरको भाग
टक्र्याउँला हजुरलाई यत्ति सानो माग ॥

हुन्छ हजुर, हजुरका विरोधीको काम
भताभुङ्ग पारिदिउँला गर्दै छलछाम ।
हजुरले राख्नुपर्छ यसमाथि दया
गुदीगुदी हजुरलाई, म नै खाउँला कोया ॥

हुन्छ हवस्, हजुरको सेवा गर्ने रहर
पूरा भए, काटिदिउँला जस्तोसुकै कहर ।
हजुरको म हुँ हजुर, मेरो हजुरमात्र
भगवान दाहिना भए पल्टाउँला सत्र–
हजुर पल्टाउँला सत्र ॥

०००
भक्तपुर