नेपाली हास्यव्यङ्ग्य अनलाइन पत्रिका

भोज अर्याल :

हिजको पर्सि र पर्सिको हिजलाई भोलि भनिन्छ
ढंग नपुराइ रंग, रंग सँगै विरंग दल्नुलाई होली भनिन्छ ।

खोला सुकेर घाट पल्टिए पछि खोली खनिन्छ
दर्शन भुकेर टाट पल्टिए पछि ओली बनिन्छ ।

आंखा नभएको फलामको छेस्कोलाई गोली भनिन्छ
सिंग फुस्केको गोरु झैं रक्ताम्मे लड्नुलाई रगतको होली भनिन्छ ।

छाङ खान छोडेर भाङ खान थालेपछि ठुलो शाषक बनिन्छ
शिवजीको नग्न रुप हेरेपछि सत्ताको ठुलो उपासक बनिन्छ ।

रंगै रंगको टाटो दले पछि होली खुबै मनाइन्छ
खोली पसेकाहरु झोली बोकेर हिँड्दा संमृद्धिको लुतो कन्हाइन्छ ।

आउनुहोस् एक घुट्की भाङ खाएर होली दिवस मनाऔँ
वागमतिमा बगेको रक्षान भन्दा बढी हामी नै गन्हाऔँ ।

आउनुहोस् हामी सँगै बसेर होली दिवस मनाऔँ
आउनुहोस् हामी सिंहदरबार भित्रै पसेर ओली दिवस मनाऔँ ।

आउनुहोस् आजै मनाऔँ भोलि मनाऔँ होली मनाऔँ
सक्ने जति मिलेर होली मनाऔँ समय नघर्किदै जिन्दगी बनाऔँ ।

०००
क्यानाडा