नेपाली हास्यव्यङ्ग्य अनलाइन पत्रिका

सुभाषचन्द्र देवकाेटा :

हिजो राजा थिए
पन्चहरु थिए।
आज नेताहरु छन्
कार्यकर्ताहरु छन्।

हिजो राजाको हुकुम चल्थ्यो
पन्चहरु हुकुमको तामेली गर्थे ।
आज नेताको आदेश चल्छ
कार्यकर्ताहरु आदेश तामेली गर्छन्।

हिजो राजाका दरबारमा हुन्थे
आज नेताका दरबार छन् ।
हिजो राजा हेलिकप्टरमा उड्थे
आज नेता उड्छन्।

हिजो राजा कानून भन्दा माथि थिए।
आज नेता कानून भन्दा माथि छन् ।

हिजो राजा स्वच्छाचारी थिए
आज नेता स्वच्छाचारी छन्।

हिजो राजा थिए
जनता रैती थिए।
आज नेता छन्।
जनाता रैती छन्।

फरक हिजो र आज
नेता बदलिएर राजा भए
नेता बदलिएर शासक भए।

नेता उक्लिएर माथि पुगे ।
जनताको छातीमा गीर खेले

जनताको भागमा तिरैतिर
नेताले खाए खिरै खिर।

०००
गाेरखा