मिलन समीरदुर्भाग्य / विडम्बना
अहिलेसम्म पनि उसैगरि र्याले बूढो मालिकरुपी सिनोद्वारा फैलाइएको दुर्गन्धित पराकाष्ठामा अन्धभक्त, उत्तरआधुनिक मानसपुत्रपुत्री दासदासीहरु ! देखेर यिनीहरूको निर्लज्ज चर्तीकला लाजसमेत लजाइरहेको छ- यतिबेला !
मिलन समीर :
र्याले बुढाहरू
पुरै नाङ्गिइसकेको त
उहिल्यैदेखि हो ।
वर्षौं अगाडिदेखि नै हो
र्याले बुढाहरु बुङ्गिन थालेको पनि ।
तर यतिबेला त पुरै
बुङ्गिइसकेका छन् र्याले बुढाहरु ।
र्याले बुढाहरूको
सर्वाङ्ग नाङ्गो स्वरुप देखिरहेका
अन्धभक्त, उत्तरआधुनिक
मानसपुत्रपुत्री दासदासीहरुले
आफ्नो अन्नदाता र्याले बूढो मालिकलाई
नाङ्गै- बुङ्गै हुँदा त झन् सुहाउँदो रहेछ भन्दै
“I Love You… बा !” नारा लाइरहेका छन्
सुनिनसक्नुको कर्कश आवाजमा
न्वारानदेखिको मुढेबल देखाएर… !
आफू पुरै नाङ्गै- बुङ्गै हुँदासमेत
झन् कस्तो सुहाउँदो रहेछ भन्दै
“I Love You… बा !” नारा लाइरहेका
अन्धभक्त, उत्तरआधुनिक
मानसपुत्रपुत्री दासदासीहरुलाई हौस्याउदै
लुत्रीरहेको लिङ्ग लिन्थिङ- लिन्थिङ हल्लाउँदै
पाँडेगाली दिइरहेका छन् र्याले बूढा मालिकहरु !
साक्षात शिवलिङ्गै सम्झिएर
र्याले बूढो मालिकको लुत्रे लिङ्गलाई
वर्षौंदेखि पुजा गरिरहेका छन्-
अन्धभक्त, उत्तरआधुनिक
मानसपुत्रपुत्री दासदासीहरुले !
मृत्युले समेत नपत्याएकै कारण
केवल ज्युदो लास बनेर बाचिरहेका
मरन्च्यासे र्याले बुढा मालिकहरुले
झगडाको बीउ मात्रै खोजिरहेका छन्
जोसङ्ग पनि निहुँ मात्रै खोजिरहेका छन् ।
सिनोझैँ डुङ्डुङ्ती गन्हाइरहेको
उहिलेदेखि नै हो र्याले बुढाहरु
तर फुलको सुवास सम्झेर
भवराझैँ लठ्ठिइरहेका छन्-
अहिलेसम्म पनि उसैगरि
र्याले बूढो मालिकरुपी सिनोद्वारा
फैलाइएको दुर्गन्धित पराकाष्ठामा
अन्धभक्त, उत्तरआधुनिक
मानसपुत्रपुत्री दासदासीहरु !
देखेर यिनीहरूको निर्लज्ज चर्तीकला
लाजसमेत लजाइरहेको छ- यतिबेला !
०००
करादीखोला, स्याङ्जा
Subscribe
Login
0 Comments
Oldest
