नेपाली हास्यव्यङ्ग्य अनलाइन पत्रिका

सुभाषचन्द्र देवकाेटा :

उसले सोध्यो-तपाई को जात के ?
मैले भने – मान्छे।
उसले सोध्यो- के मान्छे ?
मैले भने – पुरुष मान्छे।
उसले सोध्यो- जनै भिर्नु हुन्छ ?
मैले भने -भिर्दिन।
उसले सोध्यो-गायत्रीमन्त्रआउछ ?
मैले भने-आउदैन।
उसले सोध्यो- कुन धर्म मान्नुहुन्छ ?
मैले भने – मान्दिन
उसले सोध्यो – मन्दिर धाउनु हुन्छ ?
मैले भने- धाउन्न
उसले सोध्यो-नेताको भजन गाउनु हुन्छ ?
मैले भने – गाउन्न ।
उसले सोध्यो -चोर्न सक्नु हुन्छ ?
मैले भने-सक्दिन।
उसले सोध्यो-ठग्न, छल्न जान्नु हुन्छ ?
मैले भने -जान्दिन।
उसले सोध्यो – कति घुस खानु हुन्छ ?
मैले भने -खान्न।
उसले भन्यो – कुन नेताको झोला बोक्नु हुन्छ ?
मैले भने -म झोला बोक्दिन।
उसले सोध्यो – के जान्नु हुन्छ ?
मैले भने – केहि जान्दिन।
हैट,
तपाईंको योग्यता मिलेन
उसले भन्यो- तपाईको काम छैन।
मैले भने- ठिकै हो, तपाईको साथ उभिने मेरो योग्यता छैन।

०००
गाेरखा