लक्ष्मण नेवटियासिद्धान्त यहाँ भाडामा खाली छ
सिद्धान्तलाई दिएर तिलाञ्जलि बेमेलहरूको नै भयो मेल । देशभन्दा माथि भएर नै स्वार्थ अराजकता भएको बहाली छ समस्याको मूल यही भयो कि सिद्धान्त यहाँ भाडामा खाली छ।
लक्ष्मण नेवटिया :
उनको समर्थन प्रतिबद्धता उता
स्वार्थपूर्ति पक्कै हुन्छ जता।
सिद्धान्त विचार आखिर छन् के ?
उनलाई कहिल्यै भएन पता।
अनलाइनमा गर्नु भएको छ
सिद्धान्त बिक्रीको शुभारम्भ।
राजनीतिलाई धराशायी पार्ने
हाम्रा यस्ता छन् खोक्रा स्तम्भ।
समस्याहरू बाट फुत्त भाग्ने
जता सिद्ध हुन्छ स्वार्थ उतै लाग्ने
यथार्थ बुझ्ने कोसिसै किन गर्ने ?
नियत सबैलाई रनभुल्लमा पार्ने।
राजनीति हुनु पर्ने थियो विकासनीति
तर भयो अनैतिकताको खेल
सिद्धान्तलाई दिएर तिलाञ्जलि
बेमेलहरूको नै भयो मेल ।
देशभन्दा माथि भएर नै स्वार्थ
अराजकता भएको बहाली छ
समस्याको मूल यही भयो कि
सिद्धान्त यहाँ भाडामा खाली छ।
०००
विराटनगर
Subscribe
Login
0 Comments
Oldest
