भानुभक्त कुभिण्डेलीगणतन्त्र आयो भन्छन्
बाँच्नु पर्नेहरू सबै मरे मर्नेहरू बाँचेर मोज गरे धर्म, संस्कृति पोली खाए पराया संकृति भित्र ल्याए । मूर्खहरूले राज गर्छन् विद्वान्लाई तलै पार्छन् विरोध गर्दा लगी थुन्छन् गणतन्त्र आयो भन्छन् ।
भानुभक्त कुभिण्डेली :
१.
सक्नेले ब्रम्हलुट गरेका गरैछन्
भोकभोकै मर्नेहरू मरेका मरैछन्
ठान्न त आफूलाई आदर्श नै ठान्छन्
बाहिर चर्नेहरू चरेका चरैछन् ।
२.
ऊ बाहिर माया लाउँदै छ
उसकै कोठामा धाउँदै छ
अब अर्को बिहे गर्न पाउँदै छ
कानुन पनि छिट्टै आउँदै छ ।
३.
सानाजतिलाई लाग्छ ऐन
ठुला भनाउँदाको जहिले चैन
साँचो बोल्ने जेलमा पस्छन्
मान्छे पोल्ने गद्दीमा बस्छन् ।
४.
नेताहरू जहिले धनी बने
देशमा गरिबीको खाडल खने
कुरा मिल्दा गठबन्धन गरे
कुरा नमिल्दा बसाइँ नै सरे ।
५.
जनताहरू भेडा भए
भ्रष्टाचारीको गर्छन् जए
छोला बोक्न गर्व गर्छन्
साँचो बोल् न पछि पर्छन् ।
६.
बाँच्नु पर्नेहरू सबै मरे
मर्नेहरू बाँचेर मोज गरे
धर्म, संस्कृति पोली खाए
पराया संकृति भित्र ल्याए ।
७.
मूर्खहरूले राज गर्छन्
विद्वान्लाई तलै पार्छन्
विरोध गर्दा लगी थुन्छन्
गणतन्त्र आयो भन्छन् ।
०००
भद्रपुर – १०, झापा
Subscribe
Login
0 Comments
Oldest
