नेपाली हास्यव्यङ्ग्य अनलाइन पत्रिका

खगेन्द्र नेउपाने :

कतै कतै वर्ण चिप्ल्याे कतै खुस्क्याे मात्रा
नेपालीकाे संसदमा चैं जैल्यै गाईजात्रा ।

कहिलेकाहीं नेता जीले प्याच्च प्याच्च बाेल्ने
नेता जीले बाेलेपछि सारा देशलाई पाेल्ने ।

सत्ताभित्र अनेक नाता मामा भेना सालाे
आफ्नैलाई घुसाइरन्छन् फेर्दै पालाे पालाे ।

कैले यता लाेग्ने स्वास्नी फुटे जस्ताे गर्छन्
याैटा रुने अर्काे उता कुटे जस्ताे गर्छन् ।

दागा धर्दै काेही भन्छन् कति डुब्छाै मालमा
हामी पनि देखाइदिन्छाैं चाैरासीकाे सालमा ।

फेरि पनि आन्दाेलनकाे धम्की आउँन थालाे
भन्छन् सत्ताधारी हाम्राे चल्छ पालाे पालाे ।

पूर्व महामहिम भन्नू हुन्छ देउ न पस्न
झिंगा मार्दै सत्ता बाहिर सकिन्न नि बस्न ।

सत्ता पाउँदा मात्रै हाे नि बन्ने भ्रष्टाचारी
कर्मचारी माैकाँ खान्छन् तर मारीमारी ।

०००
गाैरादह, झापा