नेपाली हास्यव्यङ्ग्य अनलाइन पत्रिका

बद्रीप्रसाद दाहाल :

सिन्डीकेट जताततै हुन गयाे, ठालू झनै मात्तिए।
स्पर्धा गर्न दिइन्न नूतन यहाँ देख्दा कयाैँ आत्तिए।।
बेकम्मा अति भाे प्रशासन सबै उल्टाे चल्याे शासन।
भ्रष्टै भ्रष्ट र दुष्ट अक्षम उनै खाेज्छन् सदा आसन।।

फ्याँके राष्ट्रिय भेष टाइसुट चैँ प्याराे भयाे आखिर।
खाँदैनन् भगवानकाे कसम ता, छाडा हुनै माहिर।।
कैल्हे भैँस पुजेर आस्तिक बनी पाखण्डले रिङ्दछन्।
कैल्हे नास्तिक हाैँ भनी शपथमा द्याैता पदै झिक्दछन्।।

गाेतामे छ यता बराल छ उता जे बन्नु त्यै त्यै बने।
चाेट्टा ओैसरवाद ढुल्मुलपना सिद्धान्त उल्टाे खने।।
झुण्डै मात्र विशाल ठान्दछ हरे ! हे कूपका दर्दुर।
खै देलान् विकास शासन नयाँ ताक्छन् सबै सन्दुस !:

०००
धादिङबेसी