मीनप्रसाद लामिछानेनिःशब्द
कसका छोरा छोरी कुन देशमा छन् तिनका बाउ आमा याँ कुन परिवेशमा छन् त्यो पनि थाहा पाइन्छ न ज्यानलाई दुख न मनमा पीडा मन मिल्नेहरुको समुह बनायो एकछिन हाँसो ठट्टा गर्यो अनि बाटो लाग्यो के गाह्रो छ र छोरा ?
मीनप्रसाद लामिछाने :
थुप्रै काम निप्ट्याउनु छ मलाई
हर्केले पैसा सापट लगेको बर्षौ भयो
त्यसलाई पनि त्यहिं भेटिन्छ सक्छ
बिर्खेलाई काममा बोलाउन जान भ्याको छैन
त्यो काम पनि छोटिन सक्छ
त्यहाँ जानुको फाइदा छ
आ आफ्नु डम्फु बजाउन पाइन्छ
शक्तिको वरिपरि चक्कर लाउन पाइन्छ
कति थला परे कति बामे सर्दैछन्
कति परलोक सुधारे कतिले अझै घरजम गर्दैछन्
त्यो पनि त्यहिं थाहा पाइन्छ
अनि कसले कसको कति खायो
कसले कसरी कति कमायो
कसकी छोरी मुखाले छे
कसकी बुहारी बाइफाले छे
सप्पै सप्पै त्यहिँ थाहा पाइन्छ
कसका छोरा छोरी कुन देशमा छन्
तिनका बाउ आमा याँ कुन परिवेशमा छन्
त्यो पनि थाहा पाइन्छ
न ज्यानलाई दुख न मनमा पीडा
मन मिल्नेहरुको समुह बनायो
एकछिन हाँसो ठट्टा गर्यो अनि बाटो लाग्यो
के गाह्रो छ र छोरा ?
यस्सो अनुहार देखाउने न हो
उपस्थिति पुस्तिकामा नाम लेखाउने न हो
त्यसैले खै बाइकको चाबी ले
मै जान्छु मलाम ।
०००
हेटाैँडा, मकवानपुर
Subscribe
Login
0 Comments
Oldest
