डा. शरद परासर मरहट्टा‘निरो’का बाँसुरी सुन्नेहरू
रोम जल्दा गुञ्जिएको बाँसुरीको धुन ‘निरो’सँगै श्रवण गर्ने चाहिन्छ नै किन ? समयको प्रवाहले हुत्याएको राग — चाहिँदैन तिम्रो पुस्ता, फाल्नैपर्ने दाग।
डा. शरद परासर मरहट्टा :
बैठके र हुक्के बनी वर्षौं-वर्ष टिक्ने
प्रविधि र नाति–पुस्तासँग निहू झिक्ने
ज्ञान–विज्ञानमा शून्य, त्रुटि–त्रुटि देख्ने —
चाहिँदैन तिम्रो पुस्ता, झुटो कथा लेख्ने।
अहंकारी ‘जङ्गे’लाई ‘नेपोलियन’ ठान्ने
गाली, झोंक, उत्तेजना ‘देववाणी’ मान्ने
आगो लाग्दा ढुकुटीमा दुलोभित्र पस्ने —
चाहिँदैन तिम्रो पुस्ता, तेल मात्रै घस्ने।
‘वफादारी’ बनियाँका कन्तुरमा राख्ने
मण्डी–मण्डी पुगी ‘स्वादे’ परिकार चाख्ने
विवेकको बन्दकीमा ‘नियुक्ति’लाई साट्ने —
चाहिँदैन तिम्रो पुस्ता, आफ्नै आत्मा ढाँट्ने।
रोम जल्दा गुञ्जिएको बाँसुरीको धुन
‘निरो’सँगै श्रवण गर्ने चाहिन्छ नै किन ?
समयको प्रवाहले हुत्याएको राग —
चाहिँदैन तिम्रो पुस्ता, फाल्नैपर्ने दाग।
०००
नर्थ क्यारोलिना, अमेरिका
(अक्टोबर ६, २०२५)
Subscribe
Login
0 Comments
Oldest
