नेपाली हास्यव्यङ्ग्य अनलाइन पत्रिका

खगेन्द्र नेउपाने :

शहरमा गाईजात्रा हुन्छ
छिनछिनमा रुप परिवर्तन गरेर
नाटक देखाइन्छ
हिजाे काटाकाटमा उत्रिएकाहरु
भाेलि चाटाचाट गर्छन्
हिजाे काखमा बसेकाहरु
भाेलि जेल पस्छन्
शहरमा गाईजात्रा भइरहन्छ
तर
गाउँमा ?
भेडा जुधाई हुन्छ
कहिले यताकाे भेडाले उताकाे भेडालाई
सिङ फुक्लिने गरि हान्छ
कहिले उताकाे भेडाले यताकाे भेडालाई
सिङ फुक्लिने गरि हान्छ ।
शहरकाे गाईजात्राले रुप परिवर्तन गर्नसक्छ
आज सत्ताे सराप गर्नेहरु
भाेलि अङ्गालाे मारेर हिंड्न सक्छन्
अवसरकाे दुनियाँमा
भाेलि एकै ठाउँमा भिड्न सक्छन्
आज एकले अर्कालाई चाेर भन्दैछन्
भाेलि हाम्राे एउटै स्वर भन्नसक्छन्
आज दुश्मन भनिएकाहरु
भाेलि एउटै मण्डलमा बस्न सक्छन् ।
तर गाउँमा जुधेका भेडाहरुकाे
फुक्लिएकाे सिङ फर्कँदैन
आज बेतमास जुध्दा
भाँचिएको जाङ निकाे हुँदैन
त्यसैले
शहरिया गाईजात्रेहरु सँधै जितिरहन्छन्
गाउँले भेडाहरु सँधै हारीरहन्छन् ।

०००
गाैरादह, झापा