नेपाली हास्यव्यङ्ग्य अनलाइन पत्रिका

कुप्रदा :

आयाे ब्राण्डेड कट्टु भन्दै बेपारी त्यो कराउँछ
सबैभन्दा मुलायम् र राम्रो याे छ सुनाउँछ ।
हाम्रो नेता राम्रो नेता भन्दै पार्टीले उठाउँछ
उत्तम् मध्ये उत्तम् यै हाे देशै यसले बनाउँछ ।।

राम्रो सक्कली परे कट्टु शरीरमा सुहाउँछ
च्याप्प बस्दछ जाँघमा तन मुलायम् बनाउँछ ।
नेता पनि उस्तै परे देशलाई सुहाउने
सुख दुखमा जनतासँगै बस्ने उठ्ने रमाउने ।।

नक्कली परेमा बस्दैन, कट्टु खस्न बल गर्दछ
माैका बेमाैकामा तान्दै ठाउँमा ल्याउनु पर्दछ ।
नेता गाउँ छाेडी जान्छ शहर केन्द्रीत रमाउन
गाउँ घरमा लेराउन जानू पर्छ समाउन ।

बिस्तारै जाँघमा कट्टु खुकुलाेपन ल्याउँछ
केही महिनाभित्रै आफ्नु आयतन बढाउँछ ।
नेता पनि त्यस्तै दुरी बढाउँछ जनतासित
गाउँ घर भुल्दछ सारा बस्दछ शहर बीच ।

कट्टु एकै लाए धेरै जिउमा एलर्जी छाउँछ
दुई चार महिना पछि कट्टु फेर्ने स्थिति आउँछ
लामो अवधि एउटै नेता भ्रष्टाचार बढाउँछ
दुई चार वर्षपछि नेता चाेर भनी कहलाउँछ ।

कट्टु सफा नगरेमा जुम्राले राज गर्दछ
नेता सफा नभएमा गुण्डाकाे साथ हेर्दछ ।
नेता कट्टु दुरुस्तै छन् छिट्टै फेर्ने बनाउँछन्
छिटोछिटो नफेरेमा दुबै नै ती गनाउँछन् ।

०००
काठमाडाैं