नेपाली हास्यव्यङ्ग्य अनलाइन पत्रिका

कुप्रदा :

अब जाने हाे पार्लर, ऊ भन्न थाली
छिमेकी अन्टीले खै, के भनी उचाली
म चाहिँ हुन्न हुन्न, ऊ चाहिँ हुन्छ खाली
घरकीले अब घुर्की लगाउन थाली ।

प्राकृतिकै राम्रो छ, के गर्नु त्याे लाली
सयौं खर्च जान्छ, त्यो मुखै पखाली
तिमी त्यसै सुन्दरी छ्याै मेरी काली
पुलुक्क हेरी मतिर आँखीभाै उचाली ।

भाेकै हड्ताल गरि चुलाेचाैकै नबाली
भाँडा उचाली र अनि बाहिर फाली
छाेराछाेरी अनाहकै पिट्न थाली
रणचण्डी झैं रूप बनाई काली ।

दाेष अनेकौं मैमाथि थाेपर्न थाली
ठुस्कान चेहरा कति हेर्नु खाली
लाचार भई दिएँ स्वीकृति जनाई
भएँ पुरै कालाे म, ऊ भई उज्याली ।

हप्ताको दिन दुई ऊ सधैं तयारी
मेरो खल्ती रित्तो छ, पर्स उसकाे भारी
बाउन्न कि ऊ पच्चिसी हुन्छु भन्दै
भिरी सर्ट पेन्ट, फाली चाेला साडी ।

कपाल बाहेक सबै राैं निखारी
आँखीभाैं उखेली र परेला हाली
कपाल छाेट्याइकन रङ्ग विरङ्ग हाली
गाेरी बनी गुलाबी र प्याजी काली ।

प्रशाधनका साधन घरमा थुपारी
जति छन् प्रशाधन उत्ति रङ्गका साडी
साेकेस् र दराज पनि छैन खाली
घरभित्रै उसको क्याटवाक छ जारी ।

वरकाे त्याे सिन्काे परै नसारी
बाेल्न केही हुन्न त्यो चाेसै पसारी
बसिरहन्छे साेफामा सधैं टिभी अगाडि
म चाहिँ रित्तो रित्तो ऋणको छ भारी ।

०००
काठमाडाैं