नेपाली हास्यव्यङ्ग्य अनलाइन पत्रिका

कुप्रदा :

१.
मिल्ने काम हुन्न भन्याे काम अन्तै माेडिदियाे
दुख दियो रिसवत लियो नीति कानुन छाेडिदियाे
प्रशासनमा आसन छन् यी कुशासनका कलमधारी
देशमा राम्रो सुशासन छ भन्छन् हाम्रा कर्मचारी ।

२.
आयाेजना याेजनामा कमिशनकाे खेलभारी
तीस प्रतिशत तल पुग्छ सत्तरी चाहिँ पाेकाेपारी
दलै पिच्छे संगठन छन् धाउँछन् यिनै ढाेका चहारी
समृद्ध र विकास आउँछ भन्छन् देशमा कर्मचारी ।

३.
साेझासाझा गर्छन् काम पुग्छन् यिनी डाँडापारी
पार्छन् हाम छलछाम कामचाेर र नेतागिरी
“मुस्कान सहितकाे सेवा” यिनको नारा पुरै गुणकारी
भ्रष्ट आचरण अनुशरण कति राम्रा कर्मचारी ।

०००
काठमाडाैं