बिन्दु दहाल ‘मूकदर्शक’हामी
हामी समूह समूहमा बाँडिन्छौँ र मदारीले बाँदर नचाए जस्तै सडकमा नाच्न थाल्छौँ उफ्रन्छौँ , चिच्याउँछौँ जिन्दावाद र मुर्दावाद भन्छौँ किन भने हामी वीर गोर्खालीका सन्तान हौँ ।
बिन्दु दाहाल मूकदर्शक :
हाम्रा खुट्टा छन्
तर आफैँ हिँड्न सक्दैनौँ
हाम्रो जिब्रो छ तर हामी
आफ्नै बोली बोल्न सक्दैनौँ
हाम्रो नाक छ तर आफैँ सुँघ्न सक्दैनौँ
हाम्रा सद्दे आँखा छन्
तर आफैँ देख्न सक्दैनौँ
हाम्रो मस्तिष्क छ
तर आफैँ सोच्दैनौँ
हाम्रो मुख छ तर
आफैँ खान सक्दैनौँ
हाम्रो भूगोल छ तर आफैँ
रक्षा र शासन गर्न सक्दैनौँ
त्यसैले
हामी गोटी हौँ निर्जीव छौँ
आफैँ चल्न सक्दैनौँ
जब अरूले चलाउँछ्न् तब विदेशी
हस्तक्षेप भन्छौँ त्यसपछि
हामी समूह समूहमा बाँडिन्छौँ
र मदारीले बाँदर नचाए जस्तै
सडकमा नाच्न थाल्छौँ
उफ्रन्छौँ , चिच्याउँछौँ
जिन्दावाद र मुर्दावाद भन्छौँ
किन भने हामी
वीर गोर्खालीका सन्तान हौँ ।
०००
दमक, झापा
Subscribe
Login
0 Comments
Oldest
