नेपाली हास्यव्यङ्ग्य अनलाइन पत्रिका

बिन्दु दहाल मूकदर्शक :

खसी र ब्वाँसा पनि मित्र हुन्छन्
भागा गुनामा घरभित्र हुन्छ्न्
पर्छौँ सुनेमा सब छक्क छ्क्क
बुझ्दै छु सम्बन्ध विचित्र हुन्छन् ।
१

फोरेर ढोका अनि दिन्छ ताला
बत्ती निभाएपछि दिन्छ पाला
सबै छ उल्टो विधिको विधान
काटेर घाँटी अनि दिन्छ माला ।
२

काटेर नाडी अनि दिन्छ बाला
रोपेर छाती अनि दिन्छ भाला
छ नीति बेग्लै परिवेश बेग्लै
मारी मलाई अनि चाट्छ गाला ।
३

बत्ती निभाई अनि पढ् तँ भन्छ
बाँधेर खुट्टा अघि बढ् तँ भन्छ
निरीहलाई कति हेप्छ साले
खोसी सबै अस्त्र लु लड् तँ भन्छ ।
४

कुर्सीहुँदो देख्दछु गोरु राँगो
तुर्क्याउँदै हिँड्दछ छुद्र डाँगो
न पर्छ केही दुखकष्ट गर्न
आफैँ त्यसै ढल्दछ जीर्ण खाँबो ।
५

०००
दमक, झापा