नेपाली हास्यव्यङ्ग्य अनलाइन पत्रिका

लक्ष्मण नेवटिया :

गुट्का गुट- १
गुटकाको दाम थपिंदा
गुटकेहरू गर्दैनन् किचलो
जति प्रतिशत बढ्यो मोल
त्यति थुक्न गर्नछन् ढिलो।

गुट्का गुट- २
मटर झिक्न राखेको कामदारलाई
हलुवाइले इमानदार बनाइदिन्छ।
जतिबेला मटरको बोक्रा झिक्छ
मुखमा गुटका खुवाइदिन्छ।

गुट्का गुट- ३
मुखमा हुँदा गुटका
कसैले सोध्दा उनको थर
भन्नु हुन्छ “थुक्लाजी”
तर जब आउनु हुन्छ थुकेर
बन्नु हुन्छ “शुक्लाजी”।

गुट्का गुट- ४
पहिले हाम्रो सडक
कालो थियो
अहिले कुनै खर्च नगर्दा
भएको रातो छ।
तिम्रो पनि पार्नु छ भने
घुमाउ बुद्धिको चक्का
खाउ र खुवाउ जनतालाई
मुफ्त गुटका।

न ब्रस चाहिन्छ न त पेन्ट,
न त कुनै मिस्त्री,
गुटका चपाउने शहरका,
‘डेकोरेटर’ फ्री।

०००
विराटनगर