नेपाली हास्यव्यङ्ग्य अनलाइन पत्रिका

खन्+पुरे विकास

खनेर सडक सुरु भयो
पुरेर सडक पूरा भयो
पूरा भैसक्दा खन्ने कुरा आयो
ढल पुरिसक्दा खानेपानी भन्ने सुरो आयो
टेलिफोनलाई खनियो, विजुलीलाई पुरियो
विकास विकास भनियो, थैलो पनि भरियो
हाम्रो हाम्पुरे हाब्रो कहिल्यै पुरिएन
हाम्रो खन+पुरे विकास कहिल्यै तुरिएन ।
प्रकाशितः सिस्नोपानी, गाईजात्रा–२०५७

अटो निबन्ध
तलब
सरकारले कर्मचारीको तलब बढायो । तलब प्रतिको लबले गर्दा कर्मचारीको बल बढ्यो । बल बढेकोले बतलप्रति लत बस्यो । बतलको लत बसेकाले तलकालाई तलबले पुगेन । माथिकाको त भ्रष्टाचार गर्ने लत छँदै थियो । तलकालाई पनि सतमा अडिन गाह्रो पर्यो । यसरी मुलुकमा भ्रष्टाचार र तलब बृद्धि सधै एक अर्काका परिपूरकको रुपमा रहिरहे ।
प्रकाशितः भुँडी पुराँण, गाईजात्रा–२०५७

पाचक

छोराः बा, भोक लाग्यो, भोक लाग्यो भन्या ।
बाः लाउडा खा मोरा ।
छोराः नाई ई ई ई खान्न ।
बाः त्यत्रा ठूला मान्छेहरूले खाएको चिज तैले खान नहुने ? खा ।

प्रकाशितः भुँडी पुराँण, गाईजात्रा–२०५८