नेपाली हास्यव्यङ्ग्य अनलाइन पत्रिका

चिप्ले कीरासरि गति लिई, बन्छ के संविधान ?
सर्कारै भो अतिसय लुसे, बन्छ के संविधान ?
खाली गाली असहमति छन्, पार्टीमा छैन प्राण
हेर्दा हेर्दै समय कति गो, बन्न सक्ला विधान ? ।।१।।

जिल्ला गामै नगरहरूमा, छैन स्थायी निकाय
जे–जे जान्छन् रकम लुटिंदा, शून्य छन् है विकास
भन्थे नेता अब त सजिलै, हुन्छ जिल्ला–चुनाव
पाँचै मैना बिति पनि सक्यो, देशमा खै चुनाव ? ।।२।।

बर्सै दिन्मा विधिनियमको, पुस्तिका दिन्छु भन्छन्
बाझ्दा बाझ्दै, दिन बिति सके, नोटमात्रै गनिन्छन्
फोश्रा उद्द्धाटन अति भए, बर्बराइन्छ धेर
देशै लुट्ने नियत सबमा, धुर्धुरी राष्ट रुन्छ ।।३।।

भन्छौ छल्फल् कति सहमति ? मात्र छल्छाम चल्छ
भत्ता सत्ता भ्रमण बिलमा, चित्त तातेर बल्छ
लोभी–पापी मन मगजमा, मर्दछन् रे विचार
हाम्रा चोखा अभिमत लिई, गर्दछौ दुस्प्रचार ।।४।।
धादिङवेंसी