नेपाली हास्यव्यङ्ग्य अनलाइन पत्रिका

गठबन्धन तोडेर, घिच है घुसका घुस ।
रकमान्तर मोडेर, कोश सिध्याउनै जुट ।।
रास्ट–ढुकुटी फोरेर, अगस्तिहरू हो उठ ।
दलको पगरी भिर्दै, लुट्नसम्म अझै लुट ।।१।।

बाझाबाझ गरेझै यो, गर नाटक मन्चन ।
पाँच वर्ष बिताएर, गर मुलुक भन्जन ।।
पदाधिकारीका भूत, मात्रै नोकरशाह हौ ।
नेता मासेर हाँसेका, ठ्याम्मै जोक्कर भूत हौ ।।२।।

न छौ शूरा न विद्वान, न सेवक भयौ ठूला ।
सिस्नुझै झाङ्गिएका छौ, ठुस्स गनाउने मुला ।।
गूटका गूट खोलेर, लुट कूट सधैं छुट ।
नेपाली जनतलाई, यसरी नै सधैं भुट ।।३।।

रुपान्तर त झ्याउ छ, रकमान्तरमा जुट ।
स्याल गिद्ध बिराला हो, ब्वाँसाका मित हो फुट ।।
सम्विधान सभा रोक, खोक आरोपमा कूट ।
वैधानिक बनिहाल्यौ, लुट्न माहीर छौ लुट ।।४।।
धादिङवेंसी