नेपाली हास्यव्यङ्ग्य अनलाइन पत्रिका

१.
धर्म विहीन विज्ञान लङ्गडो हुन्छ धर्म
विज्ञान विहीन धर्म अन्धो हुन्छ मर्म
मानवताको सही पहिचान गर्ने नै हो भने
सबभन्दा गाँठी कुरा रहेछ आ–आफ्नो कर्म ।

२.
बिष पनि कहिलेकाहीँ अमृतसरी पिउँनु पर्छ
दुःख सुख जिन्दगीमा समय अनुसार लिनुपर्छ
हरेश खाएर यो जीवन नर्कसरी पार्नु हुन्न
थोपा थोपा सँगालेर यो जिन्दगी जिउनुपर्छ ।

३.
मौसम चिसो छ तर मन तातो छ
जिन्दगीको रङ्ग चाहिँ साँच्चिकै रातो छ
साँचो माया गर्नेहरूका लागि यो संसारमा
हाइवे जस्तै मायाको सोझो बाटो छ ।

४.
नानाथरी कुराहरू यो मनमा आइरा’छन्
दुःख कष्ट घुम्दै फिर्दै यो शरीरले पाइरा’छन्
सरकारका टी.भी. अनि रेडियोले चाहिँ
झुठामुठा समाचारका गीतहरू गाइरा’छन् ।

५.
दोबाटोमा उभिएर तिमीलाई कुरिरा’छ
यो मनका ईच्छालाई मनभरि साँचिरा’छ ।
माया गर्र्छु तिमीलाई सत्ते धरोधर्म !
त्यसैले त आजसम्म यो जिन्दगी बाँचिरा’छ ।

जुकेना– ६, अर्घाखाँची, हाल : मण्डिखाटार, काठमाडौ
अभिव्यक्ति अङ्क १७१