नेपाली हास्यव्यङ्ग्य अनलाइन पत्रिका

१– जयन्ती त यो पाला झैं सधैं आओस् आहा !
अरुलाई अच्छेता हँ ! गम्म गोजी आफ्नो !

२– केन्द्र भन्या केन्द्रै हो नि केन्द्र हिरो आफैं
वन्न जाने तब हुन्छ ढलीमली आफ्नो !

३– यो त रड्डी तिमी भन ! उल्टै दाउ आफ्नो !
च्याँखे थाप्न जानेपछि लौ है मौका आफ्नो !

४– वडे वडे परखाल कति लडे लडे !
वडे हुने मान्छेमा त फोटो छ है आफ्नो !

५– भँगेरे यी अखवार कराउँदै रहे !
विराट् रुप धर्ने पारा छँदै छ है आफ्नो !

६– केन्द्र भन्या केन्दैै हो नि ! क्या ! सुगन्धी माटो !
पानी उस्तै कति मिठो ! ठाउँ प्यारो आफ्नो !

७– उही कुरा जिल्लातिर उही काम माथि !
को वुझ्ने र ? वुझे पो त ! सवै हुन्छ आफ्नो !

८– व्यवस्था त विस्तारी नै फेरिंदै नै रहे !
डाडु पुन्यु आफ्नै हात छँदै छ है आफ्नो !

झर्रो नेपाली घर, चन्द्रगढी