नेपाली हास्यव्यङ्ग्य अनलाइन पत्रिका

संसार पि (प्रोबाबिलिटी) मा अडेको छ– तथ्याङ्क पढाउने सरले भनेको वाक्य उसलाई विश्वास लागेन ।

संसार भाषिक अन्तरसम्बन्धमा अडेको छ– अङ्ग्रेजी पढाउने सरले छुट्टै डम्फु पिटे ।

संसार दर्शनमा अडेको छ– नैतिक शिक्षा पढाउने सरले उस्तै कुरो दोहो¥याए ।

संसार व्याकरणमा अडेको छ– नेपाली पढाउने सरको दाबी उसले एउटा कानले सुन्यो, अर्को कानले उडायो ।

संसार धर्ममा अडेको छ– संस्कृत पढाउने गुरुको ढोंग उसलाई बेतुक लाग्यो ।

उसलाई कुनै पनि शिक्षकको उत्तर विश्वास लागेन र घरमा पुगेर बाँझो खनिरहेका बाउलाई सोध्यो– बा संसार के मा अडेको छ ?

पढेको छोराले नपढेको बाउलाई अनौठो प्रश्न सोधेको देखेर आश्चर्य मान्दै बुढाले भने– केमा अड्नु नि ? दुई दिन अन्नपानी नखाएर बस अनि थाहा पाउँछस् संसार केमा अडेको छ ?

काठमाडौं