मरुभूमि नारायणशहरमा
घरबाट छोरो पढ्न गा‘छ शहरमा
ढुङ्गामुढा गरी मान्छे भा छ शहरमा ।
फोन गर्छ कहिलेकाहीं भन्छ मलाई
सुखका दिन नजिक आ’छ शहरमा ।
मेरो चिन्ता नगर्नु है पर गतिमा छु
छोराले मासु भात खा‘छ शहरमा ।
पढाइ राम्रो छ व्यक्तिगत आन्दोलनले
जम्मा तीन विषय ला’छ शहरमा ।
महङ्गी धूलो कोलाहलको बजारमा
रमाउँनु पर्दछ आमा था‘छ शहरमा ??
नारा जुलुस बन्द हड्तालले गर्दा
मीठो माड मुखमा ला‘छ शहरमा ।।
विचित्रको छ यो जगतको लीला पनि
बिना विवाह सन्तान पा‘छ शहरमा ।
तनहुँ
Subscribe
Login
0 Comments
Oldest
