नेपाली हास्यव्यङ्ग्य अनलाइन पत्रिका

गालाभरि के के दल्छन् पिठो हो कि ढिँडो
त्यति राम्रो कपाल पनि फेदै लाई गिँडो
जिब्रो पड्काइ ङिच्च गर्छन् चलन कस्तो आयो
मङ्सिर पुसका दिनमा पनि आदी लुगा लायो
आँखाभरि कालो घस्ने टाउकामा छ चस्मा
दिउसै रात पर्न थाल्यो के भा’को यो देशमा ।

बाउआमाको मत्लव छैन आफैँ ठूलो ठान्छन्
वर्ष दिनमा बाह्र पल्ट  ब्युटिफुल छान्छन्
लाज शरम कत्ति छैन मस्की हिँड्छन् माझ
जो चाहिन्न नाङ्गै हिँड्ने गर्छ मिस नेपाल रे अझ ।

घरैपिच्छे बोर्डिङ खुल्छन् पढाइ भने जिरो
गाउँबाट शहर पस्यो भोलिपल्टै हिरो
नाङ्लो ठोकी डुक्रिनासाथ गायक अरे कस्तो
हेर्दाहेर्दै छक्क परियो जमाना आयो कस्तो ?

भोजपुर