नेपाली हास्यव्यङ्ग्य अनलाइन पत्रिका

कोही कोही मलाई मार्न काली बनि निस्केका छन्
कोही भने बचाउन माली बनि निस्केका छन् ।

जिन्दगीमा मैले धेरै यस्ता मित्र भेटेको छु
सियो बनि मनमा पसी फाली बनि निस्केका छन् ।

हिजोसम्म समाजमा हामीले मान्ने मान्छेहरू
इमान बेची इज्जत बेची जाली बनि निस्केका छन् ।

देश बेच्न तयार हुने हाम्रा महान नेताहरू
सधैं सधैं सभाबाट ताली बनि निस्केका छन् ।

बम्बईमा पुर्याइएका बिचरा ती हाम्रा चेली
कतै सागर कतै भने नाली बनि निस्केका छन् ।

जहदा, नवलपरासी