नेपाली हास्यव्यङ्ग्य अनलाइन पत्रिका

पानीको कुनै कुनै रङ्ग हुँदैन
शत्रु कहिले पनि आफ्नो हुँदैन
नेताको कुनै धर्म हुँदैन
कर्ममा कत्ति पनि शर्म हुँदैन
शिक्षकको कोही प्रिय हुँदैन
प्रिय भएपछि विध्यार्थी रहँदैन
ट्राफिकको फुलीको शान पर्दैन
फुली पाएपछि ड्युटी गर्दैन
घरमा बस्यो काम हुँदैन
खान थाल्यो तिर्ने दाम हुँदैन
मानिसको कुनै जात हुँदैन
नेताको कोही आफ्नो हुँदैन
नोटको भोटको अस्तित्व हुँदैन
त्यस्ता नेतालाई लाज हुँदैन
तरूनीसँग कम्मर मर्काएर नाच्छन्
ती नेताको दिमागमा संविधान आएन
कुकुरलाई बरू कात्तिक लाग्यो
नेतालाई माघ ८ को रन्को लागेन
फिल्म हलमा नेपाली फिल्म
एक एक हप्तामा फेरिन्छ
६०१ सभासद्को केही दिनको
मेहनतले पनि संविधान कोरिन्छ
संविधान बने पशुपतिको साँढेले
जस्तो नेताहरूले डकार्न कहाँ पाइन्छ ?
करोडौंंको सम्पत्ति कमाएको हैन
दाईजोमा ल्याइन्छ
रु. दस हजार भन्दा बढी
दाईजो दिन नपाइने नियममा
सुन्ना ३ थप्दै सम्पत्ति विवरण बुझाइन्छ
घर र बैकमा हैन, विदेश र ट्याङकीमा पनि
धन पाइन्छ
विदेश जानु पर्दैन मित्र हो
त्यहाँ जति दुःख यहाँ गर
नाथे साउदीको तलब यहीँ पाइन्छ ।

काठमाडौं