नेपाली हास्यव्यङ्ग्य अनलाइन पत्रिका

जमाना कस्तो आयो
काम गर्नै नपर्ने
चाहेजति चीज कोठामै आउने भो
घरपरिवार त नेटमा मात्र भेटिने भो
खाना र खाजा खान त फोन गर्न पर्ने भो
देशमा प्रविधिको विकास त साह्रै भो
जग्गा र गाडीको लगतमा पनि
कम्पुटराईज भो
देशमा सबै साक्षर छन्
डाटाले देखाउने भो
नियम देशमा राम्रै बन्यो
अब देश सुध्रिने भो
काम गर्न त बुढीऔँलो नभए नि हुन्छ
सभासद भएसी ल्याप्चे हान्न चाहिने भो
गाडी चलाउन एसएलसी पास चाहिने
देश चलाउन चैँ औँठा छाप भए पुग्ने भो
संविधान कसले बनाउला र !
सभासदले औँठा लगाउने हो
हामीले चाहिँ एक्काइसौँ शताब्दी पनि
अन्धकारमै बस्नु पर्ने भो !
यिनै भए हाम्रा परम प्रभु
राम नाम यिनकै जप्नु पर्ने भो !

काठमाडौं