नेपाली हास्यव्यङ्ग्य अनलाइन पत्रिका

रोगी भएँ लाग्छ थकाइ, काम गरेर आएपछि
खान मनै लाग्न छोड्यो, टन्न पेट अघाएपछि ।

टाउको साह्रो नरम छ पेट, के भाको हो डरै लाग्छ
केही थाहै पाउँन्न खै, मस्तले निदाएपछि ।

जन्मजातै अपाङ्ग छु, छेद् परेर नाककान,मुख
राती आँखा देख्दिन म, बत्तीलाई निभाएपछि ।

रिँगटानै लाग्छ कैले, शरीर कम्जोर भएछ कि?
सम्हालिनै गाह्रो पर्छ, नौ डबका खाएपछि ।

दुख्न छोड्यो कपाल काट्दा, रगत पनि आउँदैन
रोग पाल्दै बसेको छु डाक्टरै नपाएपछि ।
साकोनारी