नेपाली हास्यव्यङ्ग्य अनलाइन पत्रिका

मुरली सुन्ने इच्छा तिम्रो ?
म पनि बजाउन सक्छु राम्रो !
भन जप्छौ किन काला कृष्ण ?
छंदैछु सुन्दर उत्तम कृष्ण !

मीरा झैं पछि भागेको किन ?
अप्राप्तिको पछि लागेको किन ?
चित्र र मूर्तिमा अब ती कृष्ण
जिउँदो बरु मै उत्तमकृष्ण !

नित्य हजारौँ गोपिनीसँग
रच्दथे जसले लीलारङ्ग
हरजाइ ती नटुवा कृष्ण
एकनिष्ठ मै उत्तमकृष्ण !

तनकै काला मनकै काला
इज्जत हर्ने तिनी गोठाला
वन्धु–रक्तका रमिते कृष्ण
युद्धविरोधी म उत्तमकृष्ण !

नौनीचोर सधैं अधनङ्गा
नित्य जता पनि गर्थे दङ्गा
द्वापरका हुन् ती खलनायक !
तैपनि हाम्रा पूजालायक ?
दाङ