नेपाली हास्यव्यङ्ग्य अनलाइन पत्रिका

“महिलाले मात्र बिहेको चिनोस्वरुप सिउँदोमा सिन्दूर, गलामा पोतेर मङ्गलसूत्र, हातमा स्वयंबरको औंठी तथा साड़ी– ब्ल्वाउज सधै लगाइरहनु पर्ने !”

विवाहित महिलाहरू आक्रोेशित भए ! “हाम्रा श्रीमानले अविवाहित हुँ भनेर केटीहरूसँग घुमफिर गरेको हामीलाई थाहा छैन र ?” उनीहरूको उकुसमुकुस सतहमा प्रकट भयो !

“अब हामीले केही उपाय गर्नुपर्छ जसले गर्दा उनीहरू विवाहित हुन् भन्ने सबैलाई थाहा होस् !”

आक्रोशपूर्ण गन्थन र मन्थनपश्चात उनीहरूले निर्णय गरे– आ–आफ्ना श्रीमानलाई तातो पन्यूँले गालामा डाम्ने !

गालामा तातो पन्यूले डामेको टाटो लिएर हिंड्दा श्रीमानहरूलाई विवाहेतर सम्बन्ध राख्न असम्भव प्राय भयो !

त्यसपछि विवाहित पुरुषहरूको बैठक बस्यो ! अहिले त्यो टोलका सम्पूर्ण बालक, विद्धार्थी, प्रौढ़ तथा बृद्धहरूको गालामा तातो पन्यूँले डामिएको छ !
काठमाडौं