नेपाली हास्यव्यङ्ग्य अनलाइन पत्रिका

(एक)
आज पखाल्ने दिवस

लोडसेडिङले उज्यालो पखालियो
मेलम्चीको पानीले सडक पखालियो
सदन चै खै किन पखालिएन ?
सदनमा भएकाहरूको टाउकै किन पखालिएन ?
निमुखा जनताको भाग्य पखालियो
नेताको सोच किन पखालिएन ?
साध्य र साधन मात्रै भयो
साधना गर्न ध्यानै दिइएन
महंगीले आकाश छोयो
राहत किन महसुस भएन ?
भ्रष्टाचार त राष्ट्रिय रोग भो
यसलाई किन पखालिएन ?
जति जे पखाले नि हाम्रो देश
अनि हाम्रो
भाग्य पखालिएन !

(दुई)

कुप्रिए

बुढाहरू रोग र व्यथाले कुप्रिए
बालकहरू नेट र सेटले कुप्रिए
युवा पुस्ताको त कुरै छोडौँ
लागुपदार्थको नशाले कुप्रिए
अठार बिसका युवाहरू पनि
सारङ्गी झैं दाम्पेट लागेर कुप्रिए
कति नशामा कुप्रिए त
कति महंगी र भ्रष्टाचारले कुप्रिए
जमाना कस्तो आयो बाटोमा
हिँड्दा नि कुप्रिएर हिँड्ने
बोलाएको सुन्दैन कसैले नि
कानमा के के कोचेर कुप्रिए !
काठमाडौं