दुर्गाप्रसाद ग्वालटारेविद्वान साथी
मेरो एउटा बिद्वान साथी हुन्छन् प्राय सुटमा
कहिले उनी देब्रे पटि कहिले दाहिने गुटमा ।
कैले हुन्छन् युरोपतिर कहिले अमेरिका
टिभी ल्याए भन्सार–मिनाहा, मोटरगाडी छुटमा ।
कसोगरी जोरजाम गरे, चकित पारे सबलाई
ऐले हिँड्छन् पजेरोमा, पैले चढ्थे हुटमा ।
पढ्नु जाती केके पढे नाउँमा डाक्डर जोड्छन्
पैले बाँच्थे पौरखमा ऐले बाँच्छन् झुठमा ।
कताकता दल–दलतिर सल्लाहकार छन् रे !
दिक्क मान्छन् पार्टी जुटे, खुसी हुन्छन् फुटमा ।
लगौँटिया भन्थे पैले, आफ्नै मान्छे ठान्थे
भेट होला कि भनी ऐले हिँड्छन् नौलो रुटमा ।
२०७१ पौष
काठमाडौं
Subscribe
Login
0 Comments
Oldest
